Mar ayay faduushu kuu gaysaa in aad  ka hadasho  arrin-taagan  oo u baahan in la sarsaro  si  hurgumada looga sii daayo.

Qofba si buu wax u arkaa  hab dhaqan iyo asluub  u gooni ah  ayuuna  u maraa  xaajada uu markaa u gol leeyhay.

Xilli ayuu qofku  maciinsadaa naqdin,  Laakiin waxaa suuragal ah inaanu qofkaasi   maanka ku hayn nooca naqdinta ee halkaa uga banaan.

hadaba waxaa is weydiin u baahan maxaynu wax u naqdinaa? Jawaabtu ha ii danbaysee aan marka hore   idinku jarbeebiyo laba   hab oo wax loo naqdiyo.

1-NAQDIN WAX LAGU SAXO:  taas oo ah in si  cilmiyaysan  oo farshaxanimo ku dheehan tahay wax loo soo bandhigo iyada  oo looga gol-leeyahay in khalad iyo  daldaloolo muuqda   lagu owdo .

2-NAQDIN WAX LAGU DUMIYO:  taasina waa naqdin  ku dheehan t  aargoosi si qofka wax loogu dhimo laguna dhaawaco shakhsiyadiisa.

Hadaba maxaa looga baahan yahay qofka wax naqdinaya?

  • Waxaa lagamaa maarmaan ah In uu qofku u leeyahay  aqoon ku filan mowduuca  iyo waxa uu naqdinayo, dabeetana uu si lilaahi ah uu  wax u soo bandhigo .
  • Waxaa kale oo muhiim ah  In uu qofku ku suntanaado  dhex-dhexaadnimo  runa ka sheego waxa uu naqdinayo

Aan u soo dago jawaabtii aan dib u dhigtay bilowgii sheekada.  Naqdinta iyo wax ka sheega dadka kale waa shay ku abuuran oo ku ladhan nafta aadanaha sidaa darteed waa lama huraan waxaana haboon  in aynu dulqaad u yeelano.

Sida aynu soo sheegnay hadaba waa  labadaa  nooc ee  is garab- yaala qofkastaana midda isaga lamaanka ah ayauu adeegasdaa, ee ha noqon ka adeegsada naqdinta   xun ee wax lagu dumiyo.

Soo daadi qormooyin la xiriira Aqoon
Qormadan faallooyinka waa laga xiray.